Tottenham wako tayari
kumnyatia mshambuliaji wa QPR Charlie Austin, 26, ambaye atagharimu
karibu pauni milioni 15 (Daily Mirror), Spurs pia wanatarajia kuwazidi
kete PSV na Atletico Madrid katika kumsajili winga kutoka Colombia
Jeison Lucumi, 20, anayechezea America de Cali ya daraja la pili (Daily
Mail), mshambuliaji mpya wa Manchester United Memphis Depay, 21,
amemuambia meneja Louis van Gaal kuwa anataka kuvaa jezi namba 7
aliyokuwa
akivaa Angel Di Maria
(Telegraph), nahodha wa Chelsea John Terry anaamini Chelsea itakuwa timu
ya kwanza kutetea taji lake mfululizo katika kipindi cha miaka saba
(Evening Standard), Real Madrid wanaweza kushawishiwa kumuuza Karim
Benzima, 27, lakini Arsenal watalazimika kuvunja rekodi yao ya uhamisho
kwa kutoa pauni milioni 45 (Daily Mail), Asier Illarramendi, 25,
ameambiwa na Real Madrid kuwa hana nafsi ya kucheza katika klabu hiyo
msimu huu na hivyo huenda akafikiria kuhamia Liverpool (Daily Express),
Liverpool wanazungumza na Fiorentina kuhusu uhamisho wa Fabio Borini, 24
(Talksport), Angel Di Maria anatarajia kutangazwa rasmi kwa mashabiki
wa Paris Saint-Germain leo (Daily Star), beki wa kushoto wa Augsburg
Baba Rahman, 21, amekubali kuhamia Chelsea, lakini bado timu hizo mbili
hazijakubaliana bei (Sky Sports), Manchester United wamepanda dau
jingine kumtaka mshambuliaji wa Tottenham Harry Kane (Daily Express),
Nigeria imefanya juhudi za kumshawishi nyota chipukizi wa Liverpool
Jordon Ibe, 19, kuichezea timu ya taifa ya Nigeria, badala ya England
ambayo ameichezea katika ngazi ya vijana (Daily Mirror), Sergio Aguero,
David Silva na Samir Nasri, huenda wakakosa mechi za mwanzo wa msimu
baada ya kurejeshwa nyumbani kutoka mazoezini wakisumbuliwa na tatizo la
tumbo (Daily Star), mshambuliaji wa zamani wa Liverpool El Hadji Diof,
34, ambaye anaichezea klabu iitwayo Saba ya Malaysia amesema anataka
kuingia katika siasa atakapostaafu soka (Sun), uhamisho wa mkopo wa
kiungo Leroy Fer wa QPR kwenda Sunderald umeshindikana baada ya mchezaji
huyo kutopita vipimo vya afya (Independent), Saido Berahino huenda
akasalia kuwa mchezaji wa West Brom, baada ya klabu hiyo kusema
haijasikia lolote kutoka kwa Tottenham waliokuwa wakimnyatia (Birmingham
Mail), mshambuliaji wa Manchester United Javier Hernandez amepewa dau
la dola milioni 10 na klabu moja ya ligi ya Marekani MLS, na amepewa saa
24 kuamua hatma yake (NBC Sports).na Lionel Messi ameonekana kama akimpiga 'kichwa' beki wa Roma katika mechi
ya kirafiki ambayo Barcelona ilishinda 3-0 kwenye uwanja wa Nou Camp.
Mshambuliaji huyo kutoka Argentina, 28, alioneshwa kadi ya manjano kwa
tukio hilo, ambapo pia alimkaba koo Mapou Yanga-Mbiwa. Messi ambaye
hajawahi kuoneshwa kadi nyekundu akiichezea Barcelona, -- alionekana
akijibu mapigo baada ya wachezaji hao wawili 'kutunishiana misuli'.
Messi alipata bao katika mchezo huo. Barcelona wanaanza msimu wao kwa
kupambana na Athletic Bilbao Agosti 23. Beki wa zamani wa Newcastle,
Yanga-Mbiwa pia alioneshwa kadi ya manjano huku wachezaji wenzao
wakijaribu kuwaamua. Kadi nyekundu pekee ya Messi ilikuwa wakati
akiichezea Argentina kwa mara ya kwanza, dakika mbili baada ya kuingia
kama mchezaji wa akiba wakati Argentina ikicheza na Hungary.
MSIMAMO WA FIFA
Msimamo wa timu za taifa, wa Fifa mwezi huu
umetoka. Argentina imeendelea kusalia kileleni, Ubelgiji imeingia nafasi
ya pili, na kuishusha Ujerumani hadi nafasi ya tatu. Kwa timu za Afrika
Mashariki- Uganda imeshuka nafasi moja hadi namba 74, Rwanda
imeporomoka nafasi 13 hadi namba 91, Kenya imesalia palepale namba 116,
Burundi imeshuka nafasi moja hadi namba 132, na Tanzania nayo kudondoka
nafasi moja hadi 140.
Msimamo kamili wa mataifa yoye unaweza kuuona kupitia link hii:
http://www.fifa.com/fifa-world-ranking/ranking-table/men/
Tetesi nyingine kesho tukijaaliwa.
Share tetesi hizi na wapenda soka wote. Cheers!!
About
NELSON PASCHAL KAMUGISHA
This is a short description in the author block about the author. You edit it by entering text in the "Biographical Info" field in the user admin panel.
0 comments:
Post a Comment